لسلام عليكم.. اليكم بعض المصطلحات المستعملة في بيع و شراء السيارات المستعملة مع توضيح بعض الاجزاء في السيارة
ماشية طراجي : عموما سيارة تلقاها ماشية بزاف مثلا 150000 كم !! يعني مشات من تبسة الى تلمسان allé retour
90 مرة و لك ان تتخيل ذلك مقارنة بسعرها المطلوب.....
فوال : معنتها معاودة كامل حتى طوا ومسبوغ
سوباسمون : معنتها مسبوغة كامل غير طوا لي ماشي متوشي
ماسك avant : معنتها كابو وبارشوك وليزال مصبوغين راكور : بلاسة صغيرة معاودة سبيغةموتور محطوط : محرك معاود كامل جديد
ملبسة : يجيبو سيارة من خارج البلاد ويبدلولها كلش مع وحدة منا يخلو غير الشاسي (châssis)
مدڨوڨة : يبدلولها نيميرو دشاصي كامل و يجيبو كواغط نتاع سيارة خلاف و يحطوهم فيها و كون يحكموك يسيزيوها
افروا : كي تكون ضربة و تخدمها من غير استعمال الماستيك و الصبيغة
متكيه : فيها جنب معاود
ضربة في القصعة أو باسينة : من الخلف كاين القصعة وين يتحط Rou de secour اذا كانت مقيوسة تاثر على توازن السيارة بشكل كبير.
لونجرو (les longerons) : اذا كان متوشي .... واعرة بزاف و يأثر بشكل مباشر في توازن السيارة
الهيكل : هذا هو الرسمي فالسيارة واي حاجة تتقاس فيه طيح السومة لانو يجي بلوكة وحدة اذا تقاس يا اما يتحش ويستبدل الجزء المقصوص من سيارة اخرى وهنا يضعف الهيكل يا اما يطونديوه و يبقى اعوج
إرسال تعليق